Oavendwind
van over ’t woater
flustert duuster
in het raait,
toefkes wiezen
aalmoal ainder
woar de wind
zien waagjes waait,
‘k heur zaacht stemkes
’t zulfde zingen…
al begriepen wie het nait,
zitten lienen in ons leven
tussen tied en aiweghaid –
oamt de wind
van over ’t woater,
flustert,
lustert,
in het raait –
Lerus Roelofs (Odoorn 1917 – Amersfoort 1997) Uit: Tussen tied en altied (J. Niemeijer, 1967)
