Van aal dien tied dij k schreven
heb, is niks meer bleven,
bin ik kwiet, wastoe votgeven
hest – dat blift – . Wie binnen even.
Dien laifde heb ik mie bedreven
oet baangeghaid; gain doukje ken weven
worden, gain ban opheven,
gain richten verdreven.
Schietensbenaauwd veur leste stoot
mit woorden as dioakenbrood
waast doe mie tou – in grootste nood –
zai ik t stoan doar bevensgroot
t wezen, dat ik toal verbood.
Kom wicht, en lang mie dien schoot.
Harm Schepers (Coevorden, 1946) Uit: Tiedschrift Krödde nr. 18, 1986
Bio Harm Schepers
Elke week wordt der n gedicht kozen oet 200 joar Grunneger poëzie. Touglieks zel dit gedicht publiceerd worden ien t Dagblad van het Noorden, dinsdags op de pagina Grunnegs Goud.
