Krekt of was t uutknipt uut kerton
en bestreken met zwarde vaarf;
de kerktoren en de meulen,
met veuraan de bomen op t aarf,
doe de nije dag begon.
De opkommende zun liep te zeulen
met zien frisgele stroalen,
die er niet kwiet worden kon,
omdat wolken niet holden van kiekdeuzen en zun,
lieten ze t stoadegaan regen,
en doar ken kerton niet tegen.
Schaande van zo’n mooi begun.
Egge Wieringa (Marum, 1933) Uit: Krödde nr. 14, 1985.
Bio Egge Wieringa
Elke week wordt der n gedicht kozen oet 200 joar Grunneger poëzie. Touglieks zel dit gedicht publiceerd worden ien t Dagblad van het Noorden, dinsdags op de pagina Grunnegs Goud.
