Staine veur staine
lees ik raauwberichten van leste tied
bie zetten hol ik tree even in
n vlinder van erinnerns
fladdert onbekommerd
wel oet tied was even t levent weer in
– vaalt tou aan d’overkaande –
en weerom bie joen graf
vang ik wat Ie swiegen:
dit rondje haar ik
nog geern even mit die lopen
Hanne Wilzing (Smeerling, 1958). Uit: Krödde nr. 131, haarfst 2014
Elke week wordt der n gedicht kozen oet 200 joar Grunneger poëzie. Touglieks zel dit gedicht publiceerd worden ien t Dagblad van het Noorden, dinsdags op de pagina Grunnegs Goud.
