Treeke veur treeke
klimmen
wie sleetse treden
van torentrap
omhoog
k bin tèl kwiet worren
der binnen ja zoveul
wacht mor
tot wie boven oetkieken kinnen
din zèl k die wiezen op
ploatsen
gruinlaand
swaartbonten
goldgeel koren
eerrabbels ien blui
wacht mor
op veurjoar zummer
haars en winter
wacht mor
ien dij zee van roemte
pesaaiert tied
van die en mie
veur aiveg ien aiveghaid.
Tiny Veldhuis (Onstwedde 1942 – Appingedam 2020), werd bekend van ‘Kunstgaang Kaampke’ in Stedum. Het gedicht Wacht mor is te lezen op een bord in Toornwerd, het is één van de gedichten van de taalroute daar.
