Doe zeest: wees mor niet baang
gieneen ken dij kriegen
aal is de nacht zo duuster
lichtjes ien e lucht woaken over dij
ik kon de hiele wereld aan
moed was me met e paplepel iengoten
wees mor niet baang
der is ja niks wat eeuweg duurt
en alles het zien loop
we bennen mor mensenkiender
hebben t niet aan tied om baang te wezen
Are Meijer (Grijpskerk, 1958). Hij kreeg in 2016 de Freudenthalpreis voor nieuwe Nedersaksische literatuur voor een gedichtenrij van 10 verzen. Als Grunneger Gedicht is gekozen voor een splinternieuw gedicht.
