n Beetje ‘aans’ proaten kin zörgen veur n recht drama. Dat maarkt Marlies as ze mit heur olders vanoet Heiligerlee verhoest noar Soest. Klasgenootjes begunnen Marlies te pesten… Kleur, toal en oeterlijk binnen voak n reden om ain ongelukkeg te moaken.
Op n nacht dreumt Marlies hou t begonnen is en ze vertelt t in heur sloap aan heur knuffel. Aargens gaait de dreum over in waarkelkhaid zunder dat ze der aarg in het…
Op 11 juni presenteert schriever Ernst Pels zien nijste bouk ‘Gepest door de rest’ op radio Soest tiedens n live oetzenden. Danique (11) oet Leusden, dij vrouger slim pest wer, zel t bouk aanbaiden aan de wetholder van Cultuur in Soest. Daarbie dragt zij een gedicht veur, dat ook in t Grunnegs omtoald is en terug te vinden is in t bouk.
Mit dit bouk sprekt Pels zich oet tegen pesten. “Gepeste kinderen kunnen zwaar depressief worden en daardoor uit het leven stappen. Het meisje en ik hopen dat veel omroepen en de pers aandacht willen besteden aan deze uitzending en daardoor meewerken aan het terugdringen van pesten op scholen” vertelt e aan de Leusder Krant.
De opbrengst van t bouk is veur Stichting het Vergeten Kind. Dizze stichten organiseert activiteiten veur kwetsboare kinder, zodat zai heur zörgen even van zok af vallen loaten kinnen en ‘gewoon’ kind wezen kinnen. Doarnoast zet de stichten zok in veur t duurzoam en structureel verbeteren van t leven van kwetsboare kinder.
De fragmenten in dit bouk in t Grunnegs binnen omtoald deur Judith Worsteling.
Ernst Pels is een bekende schriever en musicus. Hij het verschillende bouken schreven o.a. In de greep van een Lover Boy, De Omgekeerde Wereld, Dood Spoor, Mijn Oma Dementine en Wat ging er Mis.
