Oetgeverij Frysk en Frij zol in 2025 n verzoameldichtbundel oetgeven mit lyriek over t thema Toal. t Gaait om aigen gedichten dij nait eerder publiceerd binnen en gain vertoalen van aandern. Inlaaiden wordt verzörgd deur Tsead Bruinja, Bruinja, dij t eerste exemploar in handen stellen zol van Arno A.M. Brok, Commissoaris van de Keuning in Fraaislaand.
t Thema Toal is nogal braid – gelukkeg. Zo kin je alle roemte nemen, mor veur heur dij behuifte hebben aan n koader van dit universum hier n poar suggesties:
Moudertoal, Oorlogstoal, Minnetoal, Mindere toal, Verworden toal, Broddeltoal, Brabbeltoal, Discriminerende toal, Machtstoal, Woordenboukentoal, Spreektoal, Toaliezerdroad, of nog aarger: Stekeldroadtoal, Minderhaidstoal, Kindertoal, Tongentoal, Zangtoal, Gehaimtoal, Lichoamstoal, Vrundentoal, Veuroldertoal, Hailege Toal, Vredetoal.
Meer ideeën? Loat t ons waiten.
Wie rekenen op poëzie in verschillende tongsloagen en toalen, zoas Aailanders (Ameland, Schylingers, Meslânzers, Aasters, Schiermonnikoogs), Achterhouks, Bildts, Brabants, Drents, Frais, Hogelandsters, Oldambsters, Veenkolonioals, Westerkwartiers, Westerwolds, Hollands, Engels, Limburgs, Noord-Frais, Saterfrais, Stadsfrais (Bolswards, Dokkumers, Franekers, Hindelopers, Leeuwarders), Stellingwaarfs, West-Frais, Zeeuws.
As t even kin worden doarnoast ook gedichten opnomen in Europese minderhaidstoalen: Baskisch, Bretons, Iers, Kasjoebisch, Cataloans, Cornisch, Samisch, Welsh.
Meer waiten?
- Bie genog sinterij wordt bie t ploatsen van n gedicht € 75,00 vergoud.
- Inzenden veur 1 juni 2025 noar: post@frysk-en-frij.nl
- Organisoatsie: oetgeverij Frysk en Frij, Klaas van Zandbergenstraat 28 – 9076 GB St. Annaparochie – 06-11260594.
- Verzoamelbundel wordt prizzenteerd op zotterdag 29 november 2025, zie DE FRIJE BÛTER OP ÚS ALLER HOLLE – Frysk en Frij
In soamenwaarken mit Centrum Groninger Taal & Cultuur.
