ien café klözzen biljartbalen, vluikt
en laagt t volk, raauw hangt doar stinkerij
van peuken ien mieggeut
brak wotter siepert over mos maank stainen
van muren vol duustere oetdrievens
vergankelkhaid rookt Javaanse Jongens
dut leutje vent n reepke sukkeloa
gele bobbekop van kastelaain op t énd
opboard op zien biljart, aaltied
aigen beste klant bleven
Lammert Voos (Eenrum, 1962) Uit: Mien zinloze aanwezeghaid (kleine Uil, 2012)
