typha latifolia
Doe doethoamel
ien t broen ferwail,
slicht en aigoal.
Wat staaist doe stief
op trötse stoal,
Hest wat tegen
op wiend?
Raaiten swaaien,
zooien, swingen,
swieren, draaien,
op flustermoat
van wiend.
Mor doethoamel,
tuzzen t raait ien,
staait stram en strak,
mit kop ien t èn,
ien t ferwailen pak
en lustert nait
noar wiend
Willem Faber (Zutphen 1927 – Groningen 2006)
Uit: Krödde nr. 25, 198
