Op maandagavond 21 januari vond de Grunneger Night plaats in Klub Kiwi in Stad. De avond, georganiseerd door CGTC in samenwerking met SIB (Studenten internationale Betrekkingen), was bedoeld voor (internationale) studenten en om kennis te maken met Groningen en het Gronings. Zo’n 70 bezoekers met verschillende nationaliteiten kwamen langs en deden enthousiast mee met de Grunneger activiteiten: een lezing, een broescursus, een pubquiz en een muziekoptreden. En dat alles gegeven in het Grunnegs/Engels. Theo de Groot, consulent CGTC, schreef een kort verslag:
Man, wat n schiere boudel wast ien Klub Kiwi ien Peperstroat 21 januoarie j.l: n haile oavend laank Grunneger Toal en Cultuur, ien t Engels, ien soamenwaarken mit studentenverainen S.I.B (Studenten Internationoale Betrekkens). Studenten overal vandoan: Noorwegen, China , Duutslaand en oet Nederland.
Goffe Jensma, hoogleroar Vrais ( moar t is wel n echte Grunneger) legde studenten oet van t hou en woarom van Grunneger Toal en Cultuur ien dizze tieden van globaliseren. Meester Olaf Vos kreeg klas zowied dat ze aan t ind van toal broescursus zeggen konden: ‘Zel ik die mit n kreket ien dien dikke pins houwen?’. n Pubquiz over Stad en Ommelaand mit n dikke vedde pries testte de bestoande kennis van elk en ain. En, wel aans, ‘Wat Aans!’ kregen t veur mekoar studenten op daansvlouer te kriegen. Oet ale boetenlandse kelen klonk: Sjomp, trilploat en Dikdoun ien toene (roasting meat in the garden).
t Was n klaain feestje aan t begun van t joar! Wat ons betreft veur herhoalen vatboar. Loat joe nait nuigen ast weer zowied is, luu! Joe heuren van ons…
CGTC
Theo de Groot.
Foto: Wat Aans / Spotify
