Dizze mörn
zee e dat e nait meer bie mie bleef
t berre roekt nog noar zien aftershave
nou snap ik nait woar k nog veur leef
Guster nog
nuimd’e mie zien eelske koedelswien
en hai knovvelde mie as n knien:
zo stief, zo stief, hai dee mie pien…
En de raand van t bad
is ja glad nog nat van gleer,
ik begriep nait dat
hai dat doun kon mit dij jong in lee-eer,
Guster nog
was t zo aibels lekker mit ons baaid –
ach, wat binnen kerels vrezelk vraid;
nou bleef allain zien aftershave…
… enkeld nog zien aftershave…
Hanny Diemer (1942, Groningen) op de melodie van ‘Yesterday’ van The Beatles.
Uit: Het volle leven van Ebbert Venemoa (Styx, 1992).
Elke week wordt der n gedicht kozen oet 200 joar Grunneger poëzie. Touglieks zel dit gedicht publiceerd worden ien t Dagblad van het Noorden, dinsdags op de pagina Grunnegs Goud.
