Dorre, doode bloaden,
Bloaden, broen en geel,
Valen stil van boomen
In de modder deel.
Boomen stoan te dreumen
In de doodse loan,
Woar de haarstwiend zingt van
Komen en van goan.
’n Zwaarm grieze kraaien
Trekt deur grauwe lucht
Noar de bozzen achter
’t Ainzoame gehucht,
Dat doar ligt te dreumen
Van de zummertied,
Dou ’t aal gruid’ en bluid’ en
Glansde wied en zied.
Tine Hagedoorn (Garrelsweer 1865- Meppel 1947). Dit is een gedeelte van het gedicht. Uit: Maandblad Groningen, 1928, nr 11.
