t Is dokeg kold en wiend is sakt
haalfduuster overaal
n bootje ligt ien drup van t blad
op kop ien onderwaal
het regent nait en t is nait dreug
aintaimeg miezeg kil
t is grienerg weer en rondomheer
is wereld wonderstil
t is aaskegraauw woar of k ook kiek
ien lucht of over t laand
en t bootje wacht nog aal ien drup
van bloaden stil op kaant
Annie van Dijken (Bedum, 1942). Uit: Krödde, Grunneger tiedschrift, nr. 57, meert 1996.
