Yur Bosker 1997, Foto: Hans Vermeulen

Jurrie Bosker, alias Yur (pseudoniem van R. K. Doff, Delfzijl, 1951) is dichter. Vanof 1987 publiceerde hai ien Tiedschrift Krödde en ien Toal en Taiken. Ien 1995 verscheen de bundel ‘Hoog wotter’ woarveur hai de Literaire Pries 1994 van Stichting t Grunneger Bouk kreeg. In 1999 verscheen n twijtoalege editie van de cyclus ‘Hongerige wolf’.
Harm Schepers schrift over de gedichten van Bosker: ‘Bosker is in literatuur, wat in Duutse neo-expressionistische schilderkunst n Neue Wilde nuimd wordt. Denk aan feguren as Baselitz, Lupertz, Middendorf. De moderne pendant van roege stadsschilders in n roege techniek as Grosz, Beckman. Krekt dat soort van expressionisme davve bie de Grunneger Ploegschilders sikkom nait vinden. Bie Dijkstra, Alting – k nuim mor wat veurbeelden – is de stad even licht as bie de Duutsers zwaart en verlopen. Bosker schildert wat De Ploeg liggen loaten het. Zien Grunnen is gain pronkjewaail in golden raand, mor n olde deus mit zwaarde noagels. Draank, goddelooshaid, gain oetzicht en doar wordt nait over soesd. Wereld is nait aans. Der is gain redden aan, mor der is jenever. (…) Zien techniek is as bie Neue Wilden. Roeg. Hai vervörmt toal, zinnen binnen onvolledeg, ongrammatikoal. Hai holdt van staarke kontrasten, stoapelt aine woordassocioatsie op aander. Sfeertaiken is veul belaangrieker as verifieerboare inhold. (…) bie Bosker is roegte maist schien. (…) Zien gedichten kinnen n dwingende moat, n smui, laang metrum dat as n basso continuo onder tekst zit, voak droagen deur binnenriemen. Goddaank nait zo dodelk as drumcomputer bie keyboards. Bosker syncopeert as of er Jazz speult, of moderne rap.'[JG]

Website Yur-publications

Zelfstandige publicaties
1994 Hoog wotter (Styx)
1999 Hongerige wolf, aan t staarfber van mien voader (eigen beheer)
2000 Venijn (eigen beheer)
2000 Parseïlion (eigen beheer)

Bijdragen aan publicaties
1990 Liesterkralen (Stichting t Grunneger Bouk)
1994 Poëzie uit Groningen (Styx)
1999 Gisteren zag ik een zwaan (SSN, Soesterberg)
2003 Wotter (Biblionet Groningen)
2006 De 100 mooiste Groninger gedichten (kleine Uil)

Bron: Boukwaiten Bloaden nr. 10 (bijvoegsel Krödde 56, 1995)