Wat nog aan t licht kommen mout
is nog nait te zain, liekt wel
of t laand locht en licht rogge toukeert:
weerbarsteger, grammiedeger
wordt gain zoad ontvongen, glimt
klaai zo dat licht der op òfkitst,
dat gain minsk zok hier woagen wil.
Dizze voren,
minskenwaark op schaaiden
van eerde en woater, licht en duuster
bewiezen ons evenwicht tegen ale twievels in.
Rieks Holtkamp (Zuidlaren 1950)
Bron: www.oader.nl
