Kreuze was t digitoale tiedschrift Kreuze veur elkenain dij in t Grunnegers schrift, of je der nou net mit begunnen of dat je der al n zet mit aan loop binnen. In t blad was benoam n stee veur de begunnende, hobby- en amateurschriever. In maai 2006 is t digitoale Grunneger tiedschrift Kreuze opricht deur Jan Blaauw en Henk de Weerd, om n podium te baiden aan Grunneger schrievers dij gain stee vonden in Krödde of Toal en Taiken. As laifhebbers van t Grunnegs in aal zien varianten, wollen ze zo n biedroage doun aan t leventeg holden van de schrieftoal.

In 2022 besloten Bert en Henk dat der n punt kommen was om heur waarkzoamheden deel te leggen en aandern de meugelkhaid te geven om Kreuze veurt te zetten. Omreden dat zoch gain nije redakteuren meld hebben, huil Kreuze noa 17 joargangen op te bestoan. In jannewoarie 2023 verscheen Kreuze 100 as alderleste nummer.

t Volledege archief van Kreuze is nog in te zain op de literaire webstee Dideldom.nu.

Lees ook: Digitaal Groninger tijdschrift Kreuze leeft voort op Dideldom.nu | CGTC