n Monument veur Ede Staal
staait stoef bie ons op diek.
t Sprekt de woorden van zien toal
weerbarsteg, waarm en riek;
n kunstwaark vol mit symboliek
vertelt hier zien verhoal,
n monument veur Ede
staait in Delfziel op diek.
Hai zong van donker en van licht
t torentje van Spiek
en wos, der is n tied van goan,
te vroug kreeg hai geliek.
Zo kwam n ènd aan zien bestoan,
wat blift is zien meziek,
n monument veur Ede
staait in Delfziel op diek.
Johan Pol (1951-2005). Uit: Fietsen in de kerk (Veendam, 2001).
