Nina Werkman (Bellingwolde, 1947) schrift in t Grunnegs en in t Nederlands, sums proza en toneelteksten mor t mainste poëzie. Heur gedichten binnen van om en noabie 2003 òf opnomen in bloaden as Krödde, Liter en De Poëziekrant en in verzoamelbundels en bloumlezens. Van heurzulf binnen tot nou aan tou drij boukjes oetkommen: Wizzelbörg ( 2009), Antidata (Nederlands, 2009) en Vrouwenwerk (Nederlands, 2013).
Grunnegs was Nina heur eerste en tot heur vaaierde joar ainegste taal. Van dat ze noar Terschelling verhoesd binnen, wuir bie Werkmans thoes Nederlands proat. Loater woonde Nina in Den Helder, Meppel, Apeldoorn, Amsterdam en Loppersom; van 1986 òf holdt ze in Stad tou. In heur waarkende leven was ze personeelsadviseur.
Mit heur poëzie won ze priezen as Dunya Poëziepries 2001, Apollo Poëziepries 2003, Jan Boer Poëziepries 2005 en Freudelthalpries veur nije Nedersaksische literatuur 2011. Antidata kreeg in 2010 n nominoatie veur de C. Buddingh’-pries veur debuterende dichters. In 2013 wuir Nina de Literaire Pries 2009 – 2011 van Stichting t Grunneger Bouk oetlangd.
Het gedicht ‘Van wind en raag’.
Zelfstandige publicaties
2009 Wizzelbörg (Servo)
2009 Antidata (De Windroos)
2013 Vrouwenwerk (De Contrabas)
Bijdragen aan publicaties (een keuze)
2003 Poëzie op sokkels (werkgroep WP 99 -Profiel)
2004 Bijverschijnselen (dvd OOG TV)
2005 SUIKER poëzie (werkgroep WP 99 – Monnier)
2006 De 100 mooiste Groningse gedichten (kleine Uil)
2007 Klaus Groth-Gesellschaft Jahresgabe
2007 De nije oogst (kleine Uil)
2007/2009 Klaus Groth-Gesellschaft Jahresgabe en Jahrbuch
2009 uitgave Dichters in de Prinsentuin (kleine Uil)
2009 Van liefde en koude min (werkgroep WP 99 – Monnier)
2010 Onderwegens (Huis van de Groninger Cultuur)
2010 Verrassend Nedersaksisch (kleine Uil)
2010 De wierde van Wierum (kleine Uil)
2010 Dichter bie Psaalms (Vliedorp)
2011 Wat mörn komt (Huis van de Groninger Cultuur)
2011 Soltauer Schriften/Binneboom
2012 Oetzicht (Huis van de Groninger Cultuur)
2013 Grunneger Poëziekalender (Huis van de Groninger Cultuur)
2015 Dast doe dat ik (Huis van de Groninger Cultuur)
2016 De Nederlandse poëzie van de 20e en 21e eeuw in 1000 en enige gedichten (Prometheus)
