SLOCHTERMAART-BLOUMKES*
Aanziet de leliën des velds …
Bloumkes dei bluien, —
As nachtvorsten komen.
Is ’t doan mit joen weelde.
Wordt ’t leven joe nomen!
Moar ie willen geven,
Zo laank as ie kennen,
Joen riekdom veur heur,
Dei er bliede mit binnen.
Bloumkes, ie troosten!
Ie leren mie leven!
k Wol óok wel zo stil
En zo rustig mie geven!
k Wol óok wel aan nachtvorsten
Mie nait meer steuren:
God zörgt ja, ken ons din
Ooit écht wat gebeuren?
Moar k bin sums zo wied
Van dei vrede vandoan….
Wie mouten moar wieder
Mit valen en stoan.
Bloumkes en knopkes,
Dei joe zo let leven,
Zel ons ok wel kracht
Om te strieden geven.
JO. 1942
*Herfstasters
Het gedicht SlOCHTERMAART-BLOUMKES is geschreven onder pseudoniem JO in 1942. Welke Groninger dichter hier achter schuilt is de redactie niet bekend! Wie was JO? Weet u het antwoord? Neem dan CONTACT met ons op.
