De winnaars van de Pervinzioale Schriefwedstried, juryleden en organisatie. Foto: Pjotr Wiese
De winnaars van de Pervinzioale Schriefwedstried 2019, juryleden en organisatie. Foto: Pjotr Wiese

Beste dailnemer aan de Pervinzioale Schriefwedstried 2020,

Ie zellen wel begrepen hebben dat de coronacrisis ook ons n swien in t ies jagd het. Jury was sikkom kloar mit heur beoordailens, mor kon nait meer bienander kommen om de prieswinnoars te bepoalen. t Boukwaark is kloar, op de prieswinnoars en de juryrapporten noa.

Doatum van de priesoetlangen was al vastlegd, mor van n bieainkomst mit oetlangen van de priezen kon gain sproake meer wezen.

Vanwege de omstandegheden mouten wie van n bieainkomst ofzain. Mor der worden wel prieswinnoars bepoald en de dailnemers aan de schriefwedstried kriegen n boukwaark mit ale biedroagen toustuurd.
Ons idee is dat de eerste-pries-winnoars in de verschillende categorieën heur priezen op anderhaalve meter ofstand oetlangd kriegen. Dat wordt op foto en film vastlegd veur de media. De aandere prieswinnnoars kriegen heur pries toustuurd.

t Is organisatorisch nait meugelk alles nog veur de zummervekansie te regeln. Wie koersen op end september.

Wie sturen joe zo gaauw meugelk tieden over de wiedere gang van zoaken.

Mit vrundelke groutnis,

Henk Scholte, Centrum Groninger Taal en Cultuur

Jan Groenbroek, Stichting t Grunneger Bouk