Roege Aalbert sluig mie de bainen kapot:
Ik klaogde hom an en hai mos in ’t kasjot.
Noa sikkom drei jaor dou zag ik hom weer
In ’n rietuug mit vraauwlu as groode meneer!
Medailles op ’t lief en ’n krans om de kop,
Met dainders te peerd en mezaik veurop.
‘k Vruig naoderhand an ’n kastelain:
“Keunegin in stad, of wat was d’r te zain?”
“Koningin? nee, heel wat hoogers, meneer:
Onze grootste bokskampioen, d’Albér!”
Dou heb ik niedeg mien slokje verteerd:
De kerel har ’t ja op mien bainen leerd!
H.J. Mulder. Uit: Maandblad Groningen 1922.
