Doar leit nou t laand
Van raand tot raand
Ien witte bannen bonnen;
Ien wilde jacht
Slagt hier n macht
Woar wij niks tegen konnen.
De sneistörm geit
Ien d’iezigheid
As n heerser deur met t roppen;
Sien leger roamt
Deur t laand en voamt
Met n voart, die wij niet stoppen.
Gien hek of stek
Ien sien berek
Of t het sien sneigraf vonnen;
Het noa vannacht
Ien swoare vracht
De Dood t van t Leven wonnen?
Jelte Dijkstra (Grijpskerk 1879-1946 Groningen). Dit is een gedeelte van het gedicht Sneistörm, het volledige gedicht staat in: Maandblad Groningen, januari 1940.
