Schriefpepier heb ik niet,
k Heb ok niet genog inkt
Om met te schrieven –
Doarom schrief ik
Dien noam met mien vinger
In dizze vrizze waddenlucht.
Aan waarmte stoor ik
Mij niet, en ok niet aan snij,
Met mien vinger in e lucht
Schrief ik:
Ik hol van dij.
Bert Weggemans
*Ain van de vaaier winnoars van Meertmoand Streektoalmoand schriefwedstried van Dagblad van het Noorden en Webloug.
Jury: Mit zien vinger schrift man zien hartekreet ien lucht. Lichter materioal as dat is der nait. Dat genain t ooit lezen zel, deert hom nait. Hai wait zulf hou daip t van binnen zit, dat is hom genog.
