De regen tikt aintonig
en zeurt in ainernoot
zien treurlaid langs de wegen,
Langs stoppellaand en sloot.
De kimme spant zok nauwer,
De wereld wordt zo klain;
Hier voart deur t voale duuster
De regenwind allain.
De lichten, ver, in t dörpke
Goan ain veur ain oet t zicht; –
Zo sloeten doagen… joaren
Veur ons heur blinden dicht…
De grauwe wilgen schoelen
Daipt doeknekt bie de sloot; –
De regen tikt aintonig
En zeurt in ainernoot…
Bio Jelte Dijkstra (Grijpskerk 1879 overl.1946) Uit: Verzoameld waark,
Gedichten in t Oldambtsters (Uitgeverij Reco, 2005)
De groep Törf heeft Tweidonker op muziek gezet, luister HIER.
Gedicht van de Week. Elke week wordt der n gedicht kozen oet 200 joar Grunneger poëzie. Touglieks zel dit gedicht publiceerd worden ien t Dagblad van het Noorden, dinsdags op de pagina Grunnegs Goud.
