Kled in lelieblaank
zitst vanmörgen
noast mie in toene.
Veul mooier bist
asdast zulf
woord hebben wilst.
Haar ik dien leeftied
den waren wie even jonk.
Doudestieds zat ik voak
as leste op zundagmörgen –
vroug in kroug,
omreden ik kon t naargens vinden.
Wel haar dat ooit denken kind:
volle bloumenpracht
en wie
hebben genogt
aan n poar zinnen.
Bio Henk Puister (Hoogezand-Sappemeer, 1953) Uit: Bliedschop veur t bezeren (Uitgeverij kleine Uil, 2009).
Gedicht van de Week. Elke week wordt der n gedicht kozen oet 200 joar Grunneger poëzie. Touglieks zel dit gedicht publiceerd worden ien t Dagblad van het Noorden, dinsdags op de pagina Grunnegs Goud.
