t Is zo wied: Meertmoand Streektoalmoand! Dizze moand meert staait traditiegetraauw in taiken van de streektoal en ook wie besteden extroa aandacht aan de Grunneger toal en activiteiten: op dizze webstee, via de sociale media knoalen van CGTC, op www.nedersaksisch.com en via de specioale digitale Meertmoand-activiteitenledder.
t Grunnegs vieren
In de Meertmoand vieren wie t Grunnegs en besteden wie in n Grunnen volop aandacht aan de Grunneger toal. Zo is de Grunneger Weke in de gemainte Westerwolde weerom (17 – 24 meert), is er allerdeegs de Grunneger Schriefwedstried Westerwolde en staait RTV Noord van 19 tot en met 25 meert n week laank in taiken van de Grunneger Toal. Centrum Groninger Taal & Cultuur (CGTC) presentaaiert in meert onder aander de 5e editie van de Wiesneus, t kindermagazine in t Grunnegs voor basisschoolleerlingen. t Grunneger zangfestival Winterraaize van Stichting Muziek & Scholing in soamenwarken mit CGTC vindt veur t eerst ploats en t Grunnegs is ook te heuren tiedens roadsvergoaderns in t Grunnegs.
Loat die heuren in de Meertmoand Streektoalmoand!
CGTC zet voor meert de specioale aanpeerdjercampagne Loat die heuren in de Meertmoand Streektoalmoand uut stro en nuigt elkenain in meert om de Grunneger toal heuren te loaten. CGTC brengt veur t voutlicht wat en woar der van alles en nog wat op zien Grunnegs uut stro zet wordt. Organizaaiern ie in meert n specioale dag, week of activiteit rondom t Grunnegs – in de vörm van n meziekoptreden, n literaire bieainkomst of hail wat aans– loat t ons veuraal waiten! Stuur de informoatsie over joen activiteit (titel, inhold in max. 3 alineoa’s, link noar webstee en socioale medioa) plus n òfbeelden (zo groot meugelk formoat) noar info@cgtc.nl.
Meertmoand Streektoalmoand-ledder
In de Meertmoand besteden wie extroa aandacht aan d’inzonden activiteiten: op www.cgtc.nl, via de sociale media knoalen van CGTC (Instagram, Twitter, Facebook, Linkedin), op www.nedersaksisch.com en via de specioale digitale Meertmoand-activiteitenledder. In dizze ledder vindstoe n keur aan bezundere highlights aan activiteiten rond t Grunnegs. Veur meer activiteiten in de Meertmoand kiek op de specioale Meertmoand Streektoalmoand-paginoa en op de sociale media knoalen van CGTC (Instagram, Twitter, Facebook, Linkedin).
De Meertmoand Streektoalmoand-ledder kinst vanòf hier downloaden:
